الأربعاء، 28 أغسطس، 2013

من أجمل ما قيل في مدح المرحوم علي الشيخ ولد أمما



يقول الشاعر الكبير محمد يحيى ولد القلب يمدح علي الشيخ ولد أمما   :
أ
أياك حسادك حشمت****قدام ذي الناس ألوقفت
و اياك عن وجهك كحزت****و استاخرت شور قفاه
و أجسامها فر انشقفت****و انشافت أسفلها أعلاها
و كبودها بيك انشقفت**** و تنازلت عن معناها
أياك الأولياء صبحت****فالكون وراك غطاها
و أياك بركتها بردت****و أياك حقرت سخاها
و أياك نورك لين ظهر****تميت بالنور مشتهر...

و اياك وقرك تم أكبر***فالناس و أزين وجاهه
و أزيين تازبه و أشطر****فالضر و أزين نباهه
و أخير من الأمه و أصبر****و أحن و أمتن نزاهه
و أخير سريره و أطهر****لقطاب طهرك سهاها
و سخاك يالشيه يفكر****ما قط حد تقشماها
و أياك لمريض لزارك****تبريه بظمير ديارك
و أياك جار أستجارك****عجلان يجبر معناها
و لا غابه حد أخبارك****ذا الكون مذالو راها
و لا دار نظير أنظارك****لنظار ما كنت معاها
و لا قط ولد آدم حسدك****ما صاب لخلا من بعدك
و لا قط نجحتو و جحدك***** ما صاب لخلا موراها
و لا قط زاد حفظ عهدك****ما تم جابر معناها
و لا قط مد شبه مدك****من قط قاع ادعاها ?
و لمداح من قبلك كانت**** يالشيه ما قط زيانت
و مننين بنت أنت بانت****للناس و ظهر مزاها
و تلاحقت فر و لانت****و لياقت على مولاها
الله يعمل مولانا****يعطيك منو الإعانه
يالغوث مول الديانه****ياظمين الأمة و أتقاها
و يا كبيرها زاد معانا****و يا بل سرعة شفاها
أياك حسادك حشمت....                           

هناك تعليق واحد: